【遊戲攻略】《Final Fantasy VII Remake》白金之旅心得攻略 重點細節及流程圖

【遊戲攻略】《Final Fantasy VII Remake》白金之旅心得攻略 重點細節及流程圖 #

大家好，又係我Snakie何師傅。再次感謝各位對前兩段影片既支持，
承蒙錯愛，感激不盡，繼續努力，做自己野，謝謝你！
哩個開場白真係夠曬簡單直接。

本身諗住暫時封盤向《聖劍傳說3 Trial of Mana》或《Remnant: From the Ashes》新DLC進發，
但有網友希望可以出一條白金之旅既教學流程圖，有見及此所以就出多一篇白金之旅運程表希望可以幫到大家，盡快離開米德加。

先多謝巴哈既網友ReX同意分享佢既白金心得攻略，有部份資料都係由佢個度轉述過黎，詳情大家可以睇返哩度。

另外小弟都整合左《Final Fantasy VII Remake》白金獎盃既Excel方便大家用黎對照同追返相關進度既，稍移玉步到哩度。

Excel表可以配合下面影片同時服用效果更佳！😊

資料補完：以下係影片無特別詳細講解既白金同爆機後資料，列點形式希望會易明易入口d：

• 爆機後可以Check下有冇相關小遊戲既Save可以解決左先；

• 第一周目係有解曬全支線爆機後可以睇睇支線係咪24/26，如果係既話就通常都係差第九章既山姆瑪姆支線；

• 爆機後支線主線Boss既SP書唔需要囉曬，好似Cloud用破甲大劍既話，魔攻部份可以省略（完美收集者另計）；

囉曬全SP個分別其實唔太大，好似破甲大劍打到尾的話，魔攻部份確實有d雞肋。

• 唱片類可以係第二次玩十四章既時侯大部份補完，當然最好都係對照返相關網站睇清楚；

唱片補完其實比想像中快，如果第一周目有八掛既好奇心。

• 如果在全清Hard個陣打得辛苦，多用氣卦或吸魔可以解決部份MP問題，存檔打箱讀檔都係一個辦法；

有諸神黃昏係輕鬆好多，但都唔係等於直行，都係要睇返情況黎做反應。

• Hard入面既Boss必需要留意返相關弱點黎打，普攻硬Ａ係Hard入面通常都唔入，如果已經洞察過可以按手制PAD黎睇返弱點；

洞察打弱點同實際打法係Hard難度係基本動作。

基本上每次順序打錯或做錯指令就好易見到哩個畫面。

大致上就係咁，所以如影片所講白金既難度完全唔高，只係比較time consume同重覆性過大。

由於上兩篇文章都討論左好多評價同埋個人感想，小弟都唔再係度重覆，但如果你係未睇既話，咁就唔好錯過哩兩篇掛機教學同最高機密打法啦。

《Final Fantasy VII Remake》既遊戲攻略心得分享暫時，係暫時(其實即係未出DLC之前)，
都會暫告一段落，希望各篇文章都可以幫到大家暢玩遊戲，由衷講句謝謝你！
同時都好多謝好感激各位對前兩篇文章同影片既支持留言各樣，謝謝你們！

人唔叫狗都笑，多謝各位觀眾朋友們支持，謝謝你！

多謝大家收睇，同樣地有咩問題同改善希望可以指點一下，謝謝你，再見諸位！

By Snakie002何師傅

YouTube: Snakie002

FB Page: Snakie002

Twitch: Snakie002

Blog: Snakie002hosifu