/post_assets/thumbnail-7.jpg)
【遊戲雜談】《血咒之城:暗夜儀式》免費DLC 斬月角色開通方法及講解 | DLC的迷思
【遊戲雜談】《血咒之城:暗夜儀式》免費DLC 斬月角色開通方法及講解 | DLC的迷思 #
大家好,又係我Snakie何師傅。
雖然岩岩先講完係咁劈黎劈去有 D拉車,但係見到哩個更新咁無辦法喇,唯有入去再劈獲金喇。
前言及其他野就無謂多講喇,我地直接進入主題:
/post_assets/P1-5.png)
其實大家可以係Xbox Game Pass上搵到哩隻Game,如果有加入會員既話《血咒之城:暗夜儀式》
係極力推薦,因為本傳遊戲已經好值得去玩,遊戲評測唔會講大話既!
/post_assets/P2-1-1024x525.png)
影片以外評論 – DLC****的迷思
以往師傅其實好少理會DLC哩樣野,因為師傅覺得DLC同呃錢係劃上一個等號,
無一個DLC係必要或者有良心哩兩個字,只有玩家埋唔埋單哩一個考量係入面。
好似《Final Fantasy XIII-2》咁,師傅係玩電腦版,照正常發揮由頭打到尾,直到打埋雷姐個章節我先爬返相關文章,
發覺原來雷姐個一章,原來係DLC黎;一經調查後,發覺係本傳《Final Fantasy XIII-2》推出時間係15 December 2011,
而雷姐章節推出日期為15 May 2012,即係話隔左5個月先推出,當下我聯想到既野係,
如果我係由一開始推出就玩的說話,即係我要等約半年之後先玩得齊我係PC一氣呵成既玩曬既野,
用DLC既邏輯套用動畫或電影劇集,即係我睇到最後個集先同我講大結局係To Be Continue…
然後仲要唔知等幾耐之餘,係下次推出既時侯係要比錢先可以補完一D可能係無關重要既劇情,
完全係同良心兩個字脫勾,所以講到無良DLC公司真係非Bandai同Square Enix莫屬。
/post_assets/P3-1-1024x576.png)
/post_assets/P4-3-1024x510.png)
師傅自己第一個比錢既DLC係機戰OG入面既Dark Prison 白河愁篇,因為Fans向真係無辦法,明知都要比佢呃,
好在個個DLC既內容同價錢(約2000Yen)絕對合理同抵玩;而第二個比錢既DLC近一年既係Djmax Respect PS4版本既歌曲DLC,
每一次推出都會加入購物車,結果好似買左三個定四個,條數係等於個隻Game,即係total買左兩次同一隻Game,買完都覺得自己有d戇居。
/post_assets/P5-5-1024x576.jpg)
有時係度諗,點解當年打機無DLC哩樣野但係個Content都可以咁豐富,反觀年代進步後又點解反而遊戲一定要出DLC先可以回本或者賺取更多利潤?
有一個論點好值得深究,師傅都有放哩句係嘴邊用黎吸引朋友打機:
以前一個常餐A凍奶茶,當年係22蚊;當年一隻正版Game,係350到500不等,當年細蚊仔邊有可能支持正版,
有都會比人話傻仔或有錢仔;而家一個常餐A凍奶茶,可能而家係42到48不等;
而家一隻正版Game,平起上黎80蚊有交易,食少餐好少少可以有廿小時既Game Time,廿個鐘正常人都要食三餐都講緊120蚊;
而家哩個年代去打籃球book場都80蚊都未必做到,唔係唔打機下嘛?想打波咪打NBA囉你都入唔到樽架啦。
所以遊戲價錢同通帳脫勾既同時,廠商們用其他方法補貼遊戲利潤,其實係無可口非;
/post_assets/P6-1024x367.png)
有《血咒之城:暗夜儀式》等等既良心制作公司既同時,亦都有Bandai同Square Enix既無良DLC廠商既存在,
不過只要一日無營養既DLC都係有人埋單,而短期內亦未有相關可以幫遊戲廠商係利潤上進行替補既方法之前
(Cloud Play同Subscription 可能係將來遊戲產業一個替補方法),DLC都會繼續大行其道,市場始終主宰一齊,
既然點都要有DLC,我只求出返D有營養既DLC,已經好滿足。
多謝大家收睇,同樣地有咩問題同改善希望可以指點一下,謝謝你,再見諸位!
By Snakie002何師傅
YouTube: Snakie002
FB Page: Snakie002
Twitch: Snakie002
Blog: Snakie002hosifu